Atit

Aternik allanngortitsineq

Nutaamik atertaarnissat kissaatigigukku qanoq ateqalerusunnerit isumaliutersuutigeqqissaassavat. Atit taamaallaat atermik akuerisaasumik taarsersinnaavat. Danmarkimi aqqit akuerisaasut allattorsimaffiat Ilaqutariinnermik Aqutsisoqarfiup nittartagaani nassaarisinnaavat. Kalaallit Nunaanni aqqit akuerisaasut allattorsimaffiat Oqaasiliortut nittartagaatigut inniminnersinnaavat.

Atermik allanngortitsinissamik qinnuteqaat oqartussaasumit sorlermit suliarineqassanersoq apeqqut suliaqutivit, akunnequtitut ativit kinguliaqutivilluunniit allanngortinneqarnissaannik kissaatigisaqarnermit aalajangerneqartarpoq.

Oqaluffiup allaffia

Uku allanngortinniarukkit najukkami oqaluffiup allaffia saaffigissavat:

siuliaqut (-tit)

angajoqqaavilluunniit arlaata kinguliaqutaa kinguliaqutitut akunnequtitulluunnit perusukkukku

Makku nassarnissaat eqqaamassavat:

Kuisinnermut atertaarnermulluunnit uppernarsaatitut allagartap allaqqaarneqarnera.

Immersugassaq oqaluffiup allaffiani immersussavat.

Kuisinnermut atertaarnermulluunniit uppernarsaatitut allagartavit allaqqaarneqarnera immersugassarlu palaseqarfimmi inunngorfigisimasanni kuisiffigisimasanniluunniit oqaluffiup allaffianut tamatuma kingornatigut nassiutissavatit.

Katititsinermi oqartussaasoq

Makku kissaatigigukkit katititsinermi oqartussaasoq katiffigisimasat saaffigissavat:

○ katissimallugu aappavit kinguliaqutaa kinguliaqutigilerusukkukku, imaluunniit

katinnginninni kinguliaqutit kinguliaqutigileqqikkusukkukku.

Katititsinermi oqartussaasoq tassaasinnaavoq kommuni palaseqarfilluunniit:

○ Oqaluffimmi katissimagussi illoqarfimmi najugarisanni oqaluffiup allaffia saaffigissavat

○ Kommunip allaffiani katissimagussi kommunip allaffia saaffigissavat

Naalagaaffiup Kalaallit Nunaanni Sinniisaa

Akunnequtitut atit kinguliaqutilluunniit allanngortinniarlugu kissaatigigukku Naalagaaffiup Kalaallit Nunaanni Sinniissaa saaffigissavat. Tamanna ukunani atuuppoq:

○ angajoqqaavit, angajoqqaarsiavit, aatavit/aanavit imaluunniit aataqqiutivit/aanaqqiutivit aqqi pigilerniarukkit

○ nutaavimmik kinguliaqutitaarniaruit, imaluunniit

○ illit katissimallugulu aappavit kinguliaqutisi kittoraammik akunnilerniarussigit.

Immersugassaq una atorlugu atinik allanngortitsinissaq qinnutigissavat. Katissimallutik aappariit atermik allanngortitsineranni akuersinermut uppernarsaat aamma immersorneqassaaq. Meerarsiat aqqinik allanngortitisinermi akuersinermut uppernarsaat aamma immersorneqassaaq.


Nittartakkat nalunaarsorneqarfiannik akuersineq

Kisitsisinik katersuinissamut aamma qarasaasiamik atuisut nuannersumik misigisaqarnerulernissaannut qupperneq manna nittartakkat nalunaarsorneqarfiannut atortarpoq.

Nittartakkami ataani taaneqartumi nittartakkat nalunaarsorneqarfiat pillugu paasiniaagit:

Cookie politik